Isa ka 26-anyos nga babayi nga si Elva ang nangin sentro sang atensyon matapos dako gid ang pagbag-o sang iya guya bangud sa paggamit sang illegal kag wala aprubado nga cosmetic products.
Suno sa report, nagagamit si Elva sang fat-dissolving injections kag silicone nga iya lang ginbakal online agud bag-uhon ang iya hitsura.
Apang sa ulihi, naglala ang iya kondisyo, Naghubag ang iya guya kag bibig kag halos indi na siya makabuka sang mata bangud sa sige-sige nga paggamit sang mga produkto bisan wala sang doktor ukon eksperto nga naga-assist sa iya.
Nagpaandam naman ang mga doktor nga delikado ang paggamit sang indi aprubado nga cosmetic injections bangud mahimo ini magdulot sang seryoso nga impeksyon kag iban pa nga problema sa lawas.
May isa man ka psychologist nga nagasiling nga posible naga-antos si Elva sang body dysmorphia ukon sobra nga pagkadismaya sa iya kaugalingon nga hitsura.
Bangud sini, liwat nga nag-init ang diskusyon sa Poland tuhoy sa peligro sang paggamit sang black market cosmetic products kag self-treatment procedures.
