26 anyos nga lalaki, ginaalegar ginlampusan sang dos por dos nga kahoy sang hinablos sang iya live-in partner

ROXAS CITY – Nagpangayo sang responde sa mga kapulisan ang isa ka 26 anyos nga lalaki matapos ginaalegar ginlampusan sang dos por dos sang hinablos sang iya nga live-in partner sa Barangay San Jose, Roxas City.

Ginkilala ang biktima nga si Raymond John Genoves, residente sang nasambit man nga lugar.

Base sa nakuha nga impormasyon sang Bombo Radyo, nagapu-is ang biktima kag iya nga live-in partner sang nagguwa si Genoves sa ila nga balay.

Sa iya kakibot, ginpalapitan ini sang suspek nga si MarkLay Alijo kag ginaalegar ginlampusan ini sang dos por dos nga kahoy.

Bangud diri, nagpangayo sang responde sa mga kapulisan ang biktima kag diri gintugyan sa konseho sang amo nga barangay ang paghusay sa magtimbang nga bahin.