-- ADVERTISEMENT --
ROXAS CITY – Pilason ang isa ka 27-anyos nga persona matapos nga ginaalegar naaksidente sa iya ginamaneho nga motorsiklo sa Barangay Lawaan, Roxas City.
Ginkilala ang biktima nga si Kent George Borbon sang Barangay Tabuc, Pontevedra, Capiz.
Base sa inisyal nga imbestigasyon sang Roxas City PNP nga samtang ginasubay sang biktima ang dalanon sakay sa iya nga motorsiklo aksidente na lamang ini nga nagbunggo sa steel tube meters sang Metro Roxas Water District ukon MRWD.
Bangud diri, natumba ang motorsiklo nga ginamaneho sang biktima rason nga nag-angkon ini sang pilas sa lawas.
Gilayon naman nga gindala sa ospital ang biktima agud dapatan sang nagakaigo nga pagbulong.
-- ADVERTISEMENT --
