Ginreport sang Office of the Civil Defense (OCD) sang Sabado nga tatlo ka mga tawo ang ginreport nga missing sa tuman nga kahalitan nga tuga sang bagyo Crising kag southwest monsoon sa pungsod.
Suno kay OCD Administrator Rafaelito Alejandro IV, ang duha ka mga indibidwal nga ginreport missing ang taga-Antique nga ginpahayag gin-anod sang tubig baha padulong sa dagat samtang mahamuok sila nga nagakatulog sa ila balay sang nag-igo ang tubig baha tuga sang mabaskog nga ulan.
Ang isa pa ka missing ang taga-Palawan matapos nga nagpadulong sa dagat apisar nga malain ang panahon.
Sa karon, padayon ang pag-verify sang ahensya sa mga ginreport nga missing individuals.
Samtang, base sa monitoring sang ahensya, naglab-ot na sa 215,000 ka mga tawo gikan sa 495 ka mga barangay ang apektado sang malain nga panahon. Kalabanan diri ang yara sa Negros Island Region kag Panay.
