ROXAS CITY – Aminado si Pres. Roxas Mayor Receliste Tanoy Escolin nga wala nagpakig-angut ang lokal nga gobyerno sang banwa sa mga opisyales sang barangay nga may yara sang tatlo ka mga indibidwal nga magapauli sa Barangay Culilang sang nasambit nga banwa.
Ini ang ginpahayag ni Escolin sang mainterview sang Bombo Radyo.
Suno kay Escolin nga wala nagpahibalo ang LGU sang amo nga banwa kay Punong Barangay Ferdinand Bacanto bangud wala man sang bakante nga quarantine facility sa nasambit nga barangay.
Bangud diri, temporaryo nila nga ginpaidalom sa 14 days quarantine period sa Municipality Quarantine ang tatlo ka mga himata ni anay Punong Barangay Ronaldo Arroyo.
Apang, gin-athag ni Escolin nga may yara sang letter of acceptance ang tatlo kag negatibo man ang resulta sang ila nga RT-PCR Test.
Matandaan nga nag-angkon sang indi pag-intiendihanay ang duha matapos nga wala ginpahanugotan ni Blancaflor nga makasulod sa ila barangay ang mga himata ni Arroyo.
Samtang, nagpasalig naman si Escolin nga pagaimbestigahan sini ang tatlo ka mga indibidwal nga nagpauli sa nasambit nga lugar.
Gin-athag naman ni Escolin nga wala sang lamud pamulitika ang nasambit nga isyu.
