ROXAS CITY – Nagapabilin nga nakahunong sa karsel sang Pilar Municipal Police Station ang tatlo ka mga indibidwal nga nga nadakpan nga nagapatigayon sang ilegal nga pabulang sa Barangay Dayhagan, Pilar, Capiz.
Ini ang ginkumpirmar ni Police Captain Alfred De Leon ang hepe sang Pilar Municipal Police Station sang ma-interview sang Bombo Radyo Roxas.
Suno kay De Leon nga wala makabayad sang ila nga pyansa nga P30,000 ang tatlo ka mga arestado nga sanday Ricky Colmo, Reno Castor kag Gary Francisco rason nga yara pa ini sa ila nga kustodiya.
Gin-athag ni De Leon nga tatlo lamang ka indibidwal ang ila nga na-aresto bangud wala sang baral ang ginapatigayonan sang ilegal nga pabulang rason nga wala napunggan ang mga tawo nga makapalagyo.
Nagapanawagan naman si De Leon sa mga pumuluyo sang Barangay Dayhagan sa banwa sang Pilar nga kun mahimo buligan sila nga makilala kun sino ang promoter sang nasambit nga ilegal nga pubalang agud mapasakaan sang nagakaigo nga panumbungon.
Ginpanginwala naman ni De Leon ang alegasyon nga may yara sang gina-apinan ang mga kapulisan bangud posible nga wala napasakaan sang kaso ang mga nadakpan kun may yara lamang sila sang gina-apinan.
Ginkumpirmar naman sini nga may yara sang isa ka barangay official sang nasambit nga barangay ang ila gina-validate nga yara mismo sa ilegal nga pabulang.
