-- ADVERTISEMENT --
ROXAS CITY – Arestado ang isa ka lalaki matapos ang ginkasa nga drug buy bust operation sa Brgy. Nasunugan, banwa sang Dao, takna alas 6:40 kagab-i, Enero 7, 2024.
Ginkilala ang arestado kay alyas Eugine kag residente sang nasambit nga lugar.
Nakuha sa posisyon ni alyas Eugine ang 2 tanan ka sachet sang ginapatihan shabu, P500 nga buy bust money, chinese money red envelope, papel kag aluminom foil.
Kaso nga paglapas sa Republic Act 9165 ukon Comprehensive Dangerous Drugs Act of 2002 ang pagaatubangon sang nasambit nga arestado.
Sa karon, nagapabilin sa kustodiya sang Dao PNP ang nasambit nga persona para sa nagakaigo nga disposisyon.
-- ADVERTISEMENT --
