All set na ang patigayunon nga 3rd Capiz Coffee and Cacao Festival sa Hulyo 7-13, 2025.
Ini ang kadungan man sang Micro, Small and Medium-sized Enterprises (MSMEs) Month sa diin ang tema amo ang ‘Asenso Negosyo, Angat Kabuhayan: Bagong Pilipinas!’
Sa interview sang Bombo Radyo kay Merian Asas, OIC Provincial Director sang Department of Trade and Industry (DTI) – Capiz, iya ginpahayag nga ang tuigan nga selebrasyon ang magahatag sang kahigayunan sa mga lokal nga produkto sang kape kag cacao, kag magaserbe nga platform para sa mga mangunguma, negosyante, kag mga mahilig sa kape kag tsokolate.
Ang festival magapasundayag sang:
- Trade Fair & Exhibits sang lokal nga kape kag cacao
- Coffee Brewing & Cacao Tablea Demos
- Business Matching para sa mga negosyante kag
- Awarding Ceremony para sa mga bachievers
Ang event ay bukas para sa tanan, humalin sa mga manguguma, barista, tubtob sa mga mahilig sa tsokolate kag kape.
Naghingyo man ini sang suporta agud mas mapasanyog ang industriya sang kape kag cacao sa Capiz.
