Naglab-ot na sa apat ka mga kontraktor ang gina-imbestigaran subong sang Commission on Elections (COMELEC) nga naghatag sang kontribusyon sa pila ka mga senador sa 2022 nga eleksyon.
Suno kay COMELEC chairman George Erwin Garcia, gina-imbestigaran nila kon bala ang nasambit nga mga kontraktor ang may kontrata nga nakuha gikan sa gobyerno.
Tan-awon nila sang maayo kon ini mga kun ini ang mga public work contractor
Suno sa iya, kalabanan sa mga contractors ang mga negosyante gani sa masami ginabutang nila ang ‘businessman’ sa diin indi gilayon mahibaluan ang negosyo.
Sa karon ginatun-an sang Political Finance and Affairs Department sang Comelec ang tubtob 42,000 ka Statements of Contributions and Expenditures nga ginsumiter subong nga tuig sang mga kandidato sa nasyonal kag lokal.
Madumduman nga ginbuyagyag sang Senado nga pila ka mga kontraktor sang flood control projects ang naghatag sang donasyon para sa kampanya sang pila ka mga pulitiko.
