MAMBUSAO, CAPIZ – Patay ang 40 anyos nga lalaki matapos nga natiruhan sang isa ka mangunguma sa Barangay Bunga, banwa sang Mambusao, Capiz.
Ginkilala ang biktima kay Niño Legaspi, residente sang nasambit man nga lugar.
Sa inisyal nga imbestigasyon sang Mambusao Municipal Police Station nagaguha nga samtang nagaarado sa uyapad ang suspek nga si Alfredo Llanto, 55 anyos, ginpalapitan ini sang biktima.
Diri kag ginapahayag ginsaway sang biktima ang suspek bangud sa pag-arado sa amo nga uyapad.
Diri kag nagluntad ang pagbaisay sa tunga sang duha tubtob sa ginpaguha sang suspek ang iya nga 12 gauge homemade shotgun kag ginluthang ang biktima.
Gindala pa sa Mambusao District Hospital ang biktima apang gindeklarar ini nga dead on arrival.
Una nga nakapalagyo ang suspek apang gilayon man nga nadakpan sa ginpatigayon nga hot-pursuit operation sang mga kapulisan.
Away sa duta ang ginalantaw motibo sa nasambit nga krimen.
