Kabug-usan nga 40 ka mga importers kag licensed customs brokers ang ginkasuhan sa Department of Justice (DOJ) bangud sa paglapas sa Customs Modernization and Tariff Act (RA 10863), suno sa Bureau of Customs (BOC).
Halin Hulyo 1, 2025 tubtob subong, 14 ka mga kaso kriminal ang ginpasaka batuk sa mga ini bangud sa illegal importation activities kaangay sang misdeclaration, undervaluation, kag technical smuggling.
Suno kay Commissioner Ariel Nepomuceno, apat ka convictions na ang narekord sa iya nga termino, nga nagapakita sang madinalag-on nga pagpatuman sang layi batuk sa smuggling.
Padayon ang BOC sa kampanya batuk sa smuggling kag revenue fraud, kasunod sa direktiba ni President Ferdinand R. Marcos Jr., agud proteksyunan ang income sang gobyerno kag integridad sang trading sa pungsod.
