42 ka mga indibidwal, patay matapos mahulog ang bus sa pil-as sa South Africa

Patay ang tanan nga Zimbabwean kag Malawian Nationals sa insidente nga nagluntad sa nabukid nga bahin sang probinsya sang Limpopo sa South Africa.

Ang una nga mga imbestigasyon sang mga awtoridad nagapakita nga ang drayber nadulaan sang kontrol kag ang bus, nga nagabiyahe halin sa Gqeberha City sa Eastern Cape, nahulog sa isa ka madalom nga pil-as.

Nagpalab-ot naman sang simpatiya si South African President Cyril Ramaphosa sa mga biktima, ilabi na sa mga nagkalamatay, lakip na ang pito ka mga kabataan.

Padayon ang imbestigasyon sang mga otoridad kun ano ang gintunaan sang insidente.