47 ka tawo, patay matapos ginbombahan sang militar ang mga nagaprotesta sa Myanmar

Patay ang 47 ka tawo matapos ginbombahan sang militar ang mga nagapatigayon sang hublag-protesta sa Myanmar.

Natabo ang insidente sa banwa sang Chaung U sa central Myanmar sa diin ginabanta 100 ka mga tawo ang nagtipon kag nagpatigayon sang protesta.

Ang mga soldado naggamit sang motorized paraglider kag naghulog sang mga bomba.

Matandaan nga sang tuig 2021, linibo ang napatay kag pila ka milyon ang nadulaan sang ila mga puluy-an bangud sa military coup nga nagresulta sa civil war sa tunga sang militar kag mga ethnic militias.