49 anyos nga lalaki, arestado matapos nakuhaan sang armas-luthang sa binaylihan sa Sigma

SIGMA, CAPIZ – Arestado ang 49 anyos nga lalaki matapos nakuhaan sang armas-luthang sa sulod sang binaylihan sa Barangay Malapad Cogon, Sigma, Capiz.

Ginkilala ang nadakpan kay Nilo Decain, residente sang banwa sang Panit-an.

Sa inisyal nga impormasyon nga nakuha sang Bombo Radyo, nakit-an sang barangay tanod ang suspek nga kasubong may gina-ipit nga armas-luthang sa iya nga kilid.

Bangud diri ginpalapitan sang mga otoridad ang suspek kag didto nakuha ang isa ka .38 calibre pistol nga may tatlo ka mga bala.

Bangud diri, magapangatubang sa panumbungon nga paglapas sa Republic Act 10591 ukon paghupot sang indi lisensiyado nga armas ang suspek.