Nakapauli na sa pungsod ang 5 ka mga Overseas Filipino Workers (OFWs) nga apektado sang padayon nga kinagamo sa Haiti.
Sa pahayag sang Department of Foreign Affairs (DFA), kalakip ang lima sa 63 nga mga OFWs kag una nga batch nga naghinyo sang repatriation.
Suno sa DFA, natigayon nga makapauli ang mga OFW pinaagi sa pagpakig-angut nila sa cccc (OWWA) kag Department of Migrant Workers (DMW).
Nakabaton man sang madasig nga bulig kag reintegration support ang lima nga OFWs nagikan sa DMW pag-abot sa NAIA Terminal 3 sa Pasay City.
Magluwas diri, nagpatigayon man sang health assessment ang Department of Health (DOH) sa mga nagpauli nga OFWs kag gintan-ayan ang mga repatriates sang libre nga mental health check-ups.
Mahibaluan nga base sa datos sang DFA, may 169 nga OFWs sa Haiti kung sa diin 63 sa ila ang nagboluntaryo nga magpa-repatriate.
