ROXAS CITY– Dismayado ang isa ka mister matapos alegar ginkastigo sang anum ka mga pulis sang Dumarao PNP sa isa ka peryahan sa Barangay Dacuton, Dumarao, Capiz.
Sa interview sang Bombo Radyo sa biktima nga si Yojean Villance, ginpahayag sini nga nagpadulong siya sa peryahan sa diin nakita sini nga naga-videoke ang anum ka mga pulis.
Suno sa iya nga naghinyu siya sa mga ini nga kun makakanta man ini apang wala ini ginpahanugutan sa baylo gintabog siya palayo.
Liwat ini nga nagbalik kag liwat nga naghinyu sa mga ginareklamo nga mga pulis kadungan sang pagkwestiyon sa ila presensiya sa lugar bangud on duty ang mga ini kag nakasuksok pa sang uniporme.
Ginkakibot na lamang sang biktima sang ini ang ginpalapitan sang mga pulis kag ginyudyod kag ginbuligan kastigo.
Aminado ang mister nga nakainom ini sang matabo ang insidente apang iya ginapanindugan nga indi siya sang hubog.
