ROXAS CITY – Naglab-ot sa 693 ka mga apektado nga pamilya sang Bagyong Kristine sa syudad sang Roxas, ang nakabaton sang Family Food Packs nagikan sa Department of Social Welfare and Development (DSWD).
Sa interview sang Bombo Radyo sa Disaster Welfare Officer sang City Social Welfare and Development Office nga si Ms. Rosymae Eblacas, ginpahayag sini nga nagsugod sila sang pagpanagtag sadtong Oktubre 22, 2024.
Ini matapos ma-validate ang mga nareport sa ila talatapan nga may yara sang mga pamilya nga nag-evacuate sa mga evacuation centers kadungan sang pagpanglaslas sang nasambit nga bagyo.
Sa nasambit nga numero ini ang ginakalakipan sang 6 tana ka mga barangay kung sa diin may yara sang 13 ka pamilya ukon 52 ka mga indibidwal ang nagikan sa Brgy. Barra, 4 ka pamilya ukon 11 ka mga indibidwal sa Brgy. Baybay, 4 ka pamilya ukon 10 ka mga indibidwal sa Brgy. Dumulog, 341 ka pamilya naman ukon 1,346 ka mga indibidwal sa Brgy. Olotayan, 310 ka pamilya ukon 1,310 ang sa Brgy. Punta Cogon kag 21 ka pamilya naman ukon 72 ka mga indibidwal ang sa Brgy. 7.
Suno kay Eblacas, may yara nga mga nakareserba nga foodpacks ang ila talatapan agud sa tion nga may yara sang mga kalamidad, may gilayon nga mahatag sa publiko.
