Yara sa 73% ukon halos tatlo sa kada apat ka Pinoy ang nagsiling nga dapat atubangon ni Vice President Sara Duterte ang Senate impeachment trial agud sabton ang mga alegasyon batok sa iya lakip na ang pagpamahog sini kay Presidente Ferdinand Marcos Jr., First Lady Liza Araneta-Marcos, kag Speaker Martin Romualdez, suno sa survey.
Ang survey ang ginawa mula Pebrero 10 hanggang 12 at kinuha ang opinyon ng 2,400 respondents gamit ang mobile-based platform upang makuha ang sentimyento ng publiko kaugnay ng impeachment case na kinakaharap ni Duterte.
Ang survey ang ginpatigayon sang Pebrero 10 tubtub 12 kag ginkuha ang opinyon sang 2,400 ka mga respondents gamit ang mobile-based platform agud makuha ang sentimyento sang publiko angut sa impeachment case nga ginapangatubang ni Duterte.
Suno sa survey, 51% ang nagasuporta sa impeachment case, samtang 22% ang undecided, kag 27% ang nagapamalabag diri.
Pinakamabaskog nga suporta ang halin sa Luzon, partikular sa Metro Manila, Southern Luzon, Central Luzon, kag Northern Luzon.
Pinakamabaskog nga oposisyon naman ang nagikan sa Mindanao nga kilala nga balwarte sang mga Duterte.
Magluwas sa assassination plot, kaupod sa alegasyon batuk kay Duterte ang iregularidad suno sa paggamit sang confidential fund sang Office of the Vice President at Department of Education (DepEd).
Yara sa 51% lamang ang nagapasugot nga imbestigahan ang diperensya sang manggad sang Bise Presidente kag kun ano ang iya ginbutang sa Statement of Assets, Liabilities, and Net Worth (SALN), samtang 33% naman ang nagapamatuk sini.
Nalakip man sa survey ang posible epekto sang impeachment sa 2025 mid-term elections.
Apat tubtub lima sa kada 10 ka mga rehistrado nga botante ang nagsiling nga posible sila magboto sa mga kandidato sa pagka-senador nga nagasuporta sa impeachment batuk kay Duterte.
Samtang, 25% naman ang nagsiling nga indi sila magboto sa pro-impeachment candidate kag ang nabilin ang undecided.
