Ginhingyo sang International Criminal Court (ICC) prosecutor nga direkta nga isumiter bilang ebidensya ang narekord nga testimonya sang tatlo ka testigo sa kaso nga crimes against humanity batok kay former President Rodrigo Duterte agud mapadasig ang trial.
Sa ila mosyon nga napetsahan Oktubre 21, ginpanindugan sang prosekusyon nga ang mga testimonya nagaunod sang importante nga impormasyon may kaangtanan sa ginaalegar extrajudicial killings nga nagadalahig sa mga pulis, lakip na ang mga insidente sa idalom sang anti-drug operation.
Suno sa prosecutor, mabuhinan ang tion sang trial kun gamiton ang mga nauna nga testimonya kag dugang lang nga pamangkot ang ipamangkot sa mga testigo. Apang kinahanglan pa nila nga magtambong sa korte kag magpaidalom sa cross-examination sang depensa.
sa subong, pending pa sa ICC Trial Chamber ang approval sang nasambit nga motion.
