Patas ang kampo ni Israeli Prime Minister Benjamin Netanyahu kag ang oposisyon nga ginapangunahan ni Gadi Eisenkot sa eleksyon sa Israel, base sa exit polls sang Martes, Oktubre 27.
Wala sang isa sa duha ka kampo ang nakakuha sang kinahanglanon nga 61 ka puwesto agud makontrol ang 120-seat Knesset, ukon parliamento, gani ang mga negosasyon sa pagporma sang bag-o nga gobyerno posible nga magdugay.
Bisan pa nga ang resulta naghatag sang daku nga hangkat sa koalisyon ni Netanyahu, indi pa maathag kon sin-o ang magaporma sang mayoriya. Posible man nga magapabilin si Netanyahu bilang caretaker prime minister samtang nagapadayon ang negosasyon.
Ang voter turnout narekord sa 77.7%, ang pinakamataas sa sulod sang masobra duha ka dekada.
Nahibaluan nga ang eleksyon amo ang pinakauna nga national voting sa Israel halin sang ginlunsyar sang Hamas ang pag-atake sang Oktubre 7, 2023, nga ginsundan sang mga inaway sa Gaza, Lebanon kag Iran.
