DTI, ginpasiguro nga wala sang ‘shrinkflation’ sa mga basic necessities

Ginpasalig sang Department of Trade and Industry (DTI) nga padayon ang ila nga pagmonitor sa kadamuon sang mga basic necessities sa pungsod.

Ini agud malikawan ang ginatawag nga “shrinkflation,” ukon ang pagnubo sang kadamuon ukon kadakuon sang produkto bisan wala nagabag-o ang presyo sini.

Suno kay DTI Secretary Maria Cristina Aldeguer-Roque, ginapasiguro sang ahensya nga indi pag-ibanan sang mga manufacturer ang sulod ukon kadamuon sang ila produkto samtang pareho gihapon ang presyo sini.

Samtang, ginpahayag man sang DTI nga nagkomiter ang mga manufacturer nga ipabilin ang presyo sang mga nagapanguna nga kinahanglanon nga produkto tubtob sa katapusan sang tuig.