Padayon ang koordinasyon sang Department of Agriculture “DA”, sa Department of Social Welfare and Development “DSWD”, kag Department of Labor and Employment “DOLE”, agud mabuligan ang mga mangunguma sa tunga sa El Niño.
Suno sa ahensya magahatag man sang bulig sila partikular sa mga lugar nga kulang ukon wala sang bastante nga suplay sang tubig.
Samtang sa mga lugar nga may bastante nga sistema sang patubig kag indi direkta nga apektado sang El Niño, padayon man nga igahatag sang DA ang kinahanglan nga ayuda kag suporta.
Sa karon lakip sa mga ginapreparar nga suporta ang fuel subsidy, dugang nga abono, transport subsidy kag dekalidad nga binhi agud mabuligan ang mga mangunguma nga mapadayon ang ila pagtanom kag malikawan ang daku nga pagnubo sang produksyon bangud sa kakulang sang tubig.
