Nagpakigbahin sang official statement si Attorney Ralph A. Sarmiento sang iya official statement natuhoy sa Impeachment Trial ni Vice President Z. Duterte.
Matandaan nga nag withdraw si Sarmiento bilang una nga testigo sang defense team ni Vice President Sara Duterte sa impeachment trial nga magapadayon sa Nobyembre 9, 2026.
Sa iya video statement nga ginpaguwa subong nga adlaw pagkatapos sang maid-id nga, nagdesisyon siya nga indi magpartisipar bilang testigo sa nasambit nga proceedings.
Suno kay Sarmiento, personal niya ini nga desisyon agud mapabilin ang independensya sang iya mga pagtuon kag panalawsaw sa constitutional law, lakip na ang patas kag wala sang ginadampigan nga legal nga panan-aw kag opinyon.
Ginpahayag man niya ang iya pagpasalamat sa defense team ni Duterte sa pagkilala sa bili sang iya mga panan-aw parte sa mga legal kag constitutional nga isyu nga iya ginapaambit sa social media.
Dugang pa, ginpangabay ni Sarmiento ang defense team nga bawi-on ang ila gin-request nga subpoena para sa iya pagtestigo. Kon nakaguwa na ang subpoena, ginpangabay niya man nga ipabawi ini sa Senate Impeachment Court.
Samtang, ginrespeto sang spokesperson sang defense team ni Duterte nga si Atty. Michael Poa ang personal nga desisyon ni Sarmiento kag ginpasalamatan ang iya una nga pagkonsiderar sa imbitasyon sang kampo.
Nahibaluan man nga ginpaabot kuntani nga maghatag siya sang testimonya parte sa legal kag constitutional principles nga may kaangtanan sa impeachment case, partikular sa Article II ukon ang alegasyon sang unexplained wealth.
