Natalana nga magabisita sa pungsod ang Hollywood icon nga si Angelina Jolie bilang isa sa mga speaker sa 2026 ASEAN Inclusive Growth Summit sa Nobyembre 11.
Ang Academy Award-winning actress ang mangin kabahin sang mga featured speakers sa nasambit nga pagtililipon nga pagatambungan sang mga tiglawas gikan sa nagkalain-lain nga sektor agud istoryahan ang ekonomiya sa Southeast Asia.
Kilala si Jolie sa iya charitable advocacy, ilabi na ang iya kampanya para sa proteksyon sang mga kababainhan kag mga pamatan-on, lakip na ang iya adbokasiya para sa mga refugee.
Halin 2001 tubtob 2012, ang Hollywood actress nagserbe man bilang Goodwill Ambassador para sa United Nations High Commissioner for Refugees (UNHCR) antes gi-appoint bilang Special Envoy.
Makaupod man ni Jolie ang pila ka mga kilala nga personalidad bilang mga speakers sa nasambit nga summit kun sa diin kaupod niya ang Tony-award winning theatre actress nga si Lea Salonga, Rajo Laurel, Kylie Verzosa kag Department of Trade and Industry secretary nga si Cristina Roque.
