Isa ka lalaki sa Barangay West Habog-Habog, Molo, Iloilo City ang nasal-an nga aswang matapos nagsaka sa atop sang ila balay matapos nga nagluntad ang indi pag-intindihanay sang iya live-in partner.
Natabo ang insidente sang Oktubre 23 sang gab-i kon sa diin nakuhaan sang video ang lalaki nga sang ulihi naglapta sa social media.
Base sa imbestigasyon, nagbaisay ang live-in partner bangud sa personal nga rason gani nagdesisyon ang lalaki nga magsaka sa atop agud magpabugnaw.
Apang, nakibot na lamang ini pagkasunod nga adlaw sang nahibaluan nga may nagpost sa social media tuhoy sa ginpahayag nakita nga aswang sa ibabaw sang ila atop.
Bangud sini, ginapahanumdom ang publiko nga siguraduhon nga insakto kag i-verify anay ang makita nga impormasyon antes i-post kag i-share sa social media.
