Lakip sa magatambong ang Tony Award-winning nga Filipino performer nga si Lea Salonga sa 2026 ASEAN Inclusive Growth Summit sa Manila sa Nobyembre 11.
Iga-feature man sa nasambit nga sesyon ang pagtingob sang musika kag paghinun-anon kon paano ang pagkamamugnaon kag kultura sa Southeast Asia mahimo nga mapauswag pa gid agud nga indi lamang ini mangin kadungganan sang rehiyon kundi mangin tuburan man sang palangabuhian sang mga artista.
Katuyuan sang summit nga mapabakod ang kaangtanan sang mga lider gikan sa negosyo, gobyerno, civil society kag mga organisasyon nga may kaayuhan sa pagtumod sang mga oportunidad para sa mas malapad kag inklusibo nga pag-uswag sang ekonomiya.
Matandaan nga bag-o lang naghimo sang kasaysayan si Lea bilang labing una nga Pinoy nga may kaugalingon nga star sa Hollywood Walk of Fame.
Sa iya pagkilala, ginpabutyag sang Broadway star ang iya bugal sa iya ginhalinan kag nagalaum nga ang iya kadalag-an ang magaserbe nga inspirasyon sa masunod nga henerasyon sang mga Filipino artists.
