Arestado ang isa ka lalaki sa ginpatigayon nga drug buy-bust operation sa Sitio Uyapad Barangay Binuntucan, Pontevedra, Capiz.
Ang suspek amo si alyas Win, 25-anyos, laborer, kag residente sang Poblacion Swa, Pontevedra, Capiz.
Sa interview sang Bombo Radyo kay Police Captain Maria Fe Umiten, Officer-in-Charge sang Pontevedra Municipal Police Station, iya ginpahayag nga narekober sa posisyon sang suspek ang duha ka plastic sachet sang suspected shabu nga ginabanta may kabug-aton nga 3 grams kag may standard drug price nga P20,400.
Suno kay Umiten, nakuha man sang paghinakop sang arestado ang .38 revolver.
Sa subong, yara na ini sa kustodiya sang Pontevedra Municipal Police Station kag magapangatubang sa kaso nga paglapas sa Republic Act 10591 ukon Comprehensive Firearms and Ammunition Regulation Act kag Republic Act 9165 ukon Comprehensive Dangerous Drugs Act of 2002.
