DAO, CAPIZ – Nagpatigayon ang Dao Municipal Police Station sang School Safety Lecture para sa kaalam kag kaluwasang sang estudyante sa Dao, Capiz.
Sa interview sang Bombo Radyo kay Police Major Rey C Dordas, Officer in Charge sang Dao Municipal Police Station, iya ginpahayag nga ang katuyuan sang ila pagpatigayon sang school safety lecture sa mga eskwelahan agud nga mapahibalo ang mga estudyante kon ano ang dapat himuon sa tion sang emerhensiya.
Suno kay Dordas, ginpaathag man sa mga kabataan ang importansya sang seguridad, paglikaw sa krimen, kag ang husto nga aksyon nga dapat himuon agud maprotektahan ang ila kaugalingon kag ang iban pa nga yara sa palibot sang eskwelahan.
Pahayag pa niya, ginahikayat nila ang mga estudyante nga gilayon nga magreport sa ila mga manunudlo, school authorities ukon security personnel kon may makita nga kaduda-duda nga aktibidad para sa nagakaigo nga pag-aksyon.
Responsibilidad sang mga manunudlo nga bantayan ang mga estudyante samtang yara sa eskuylahan, samtang ginapahanumdom man ang mga ginikanan nga likawan ang pagtugot sa menor de edad nga magmaneho sang motorsiklo, bangud mahimo ini magbutang sa ila sa peligro kag maglapas sa nagakaigo nga mga pagsulundan.
Dugang pa sa impormasyon ang importansya sang disiplina, pagrespeto sa kapwa estudyante, ginikanan kag mga awtoridad, importante man nga mahibaluan nila, bangud ini makabulig indi lamang sa pagmintinar sang kahilwayan sa eskwelahan kundi sa paglab-ot man sang handum sang mga kabataan.
Sa karon, ginapangabay sang Dao MPS ang publiko nga magsunod sa mga regulasyon kag ordinansa, kag magreport gilayon sa kapulisan sang bisan ano nga kaduda-duda nga aktibidad sa ila palibot, ahimo man maggamit sang Unified 911 nga bukas 24 oras para sa in
