-- ADVERTISEMENT --

Ginaduso sang Pilipinas kag Japan ang pagbinuligay agud masiguro nga may bastante nga suplay sang petrolyo sa Asia kag malikawan ang kakulangan sini sa tion sang emerhensya.

Suno kay Japanese Prime Minister Sanae Takaichi, plano sang Japan nga magtukod sang Asia Oil Security Task Force nga magahimo sang mga pamaagi sa paggamit kag pagbinuligay sang oil reserves kon may kakulang sang suplay.

Samtang, ginpahayag ni President Ferdinand Marcos Jr. nga ginapreparar na sang Pilipinas ang kaugalingon nga oil reserve agud may magamit nga suplay sang krudo kon mag-untat ang pag-abot sang petrolyo sa global market.

Dugang pa ni Marcos, bukas ang Pilipinas sa mga investment kag pagbinuligay sa energy sector, lakip na ang renewable energy kag natural gas, agud mapalig-on ang suplay sang enerhiya sa pungsod.