-- ADVERTISEMENT --

Nagpirma na ang Venezuela kag ang USA nagpirma sang isa ka bag-o nga kasugtanan sa military cooperation, halos isa ka tuig pagkatapos nga gindakop si former Venezuela President Nicolás Maduro.

Ang pagpirma ginpangunahan ni Venezuela Interim President Delcy Rodriguez nga nag-alagad anay bilang Bise Presidente ni Maduro kaupod si U.S. Secretary of Defense Pete Hegseth.

Suno kay Rodriguez, ang kasugtanan makabulig sa pagsabat kag pagbato sa mga kinaandan nga pamahog sa seguridad nga ginaatubang sang duha ka pungsod.

Samtang, ginpahayag ni Hegseth nga ang Amerika nagalantaw sa Venezuela bilang isa ka kaupod sa seguridad, isa ka pagbalhin gikan sa iya nauna nga kahimtangan bilang isa ka agresibo nga pamahog sa rehiyon.

Matandaan nga ang military cooperation sa tunga sang duha ka pungsod gin-untat sang 2006, sa panahon sang administrasyon ni former Venezuela President Hugo Chávez.

-- ADVERTISEMENT --

Sadto nga tion, gin-akusahan ni Chávez ang Estados Unidos nga nagahanas sang mga rebelde nga grupo nga nagapamatok sa iya administrasyon.