Naglab-ot na sa 24 ang napatay matapos nga nagkulob ang sakayan nga sakay sang ginatos ka mga indibidwal nga magatambong kuntani sa lubong sa Bayelsa, Nigeria.
Suno sa kapulisan, natabo ang insidente samtang nagabiyahe ang sakayan halin sa Ayama communities padulong sa Ukubie sang gin-alegar nga na-failure ang makina sini.
Ginpahayag ni Manzo Ezekiel, spokesperson sang National Emergency Management Agency, naglab-ot na sa 24 ka mga bangkay ang narekober sa lugar samtang nagapadayon ang search and rescue operations.
Samtang, 24 naman ang na-rescue kon sa diin 19 ang ginbulong kag lima ang gindala sa isa ka ospital.
Apisar nga wala gintumod sang kapulisan ang eksakto nga numero sang sakay, ginpahayag sang pila ka mga residente nga mahimo maglab-ot sa 300 ang pasahero sang sakayan.
Suno sa kapulisan, nakapalagyo ang operator sang sakayan samtang yara sa kustodiya.











