Ginhingyo sang defense team ni former President Rodrigo Duterte sa International Criminal Court (ICC) nga ibasura ang testimonya sang main witness sang prosecution.
Ginapanindugan nila nga napaslawan ang mga prosecutors sa pagpamatuod nga ang ila witness indi makatestigo.
Bisan ang mga pahayag nga iya ginsiling indi mapatihan gani mangin ‘unfair’ ini sa mga akusado.
Sa petisyon nga ginpasaka sang Nobyembre 18, ginhingyo sang depensa sa ICC Trial Chamber nga ibasura ang request sang prosecutor nga batunon ang ebidensya ni witness P-0002, isa sa mga regular sources sang prosecutors sa kaso ni Duterte.
Suno sa depensa, una nga ginpahayag sang mga prosecutors nga mahimo magpakilala sang bag-o nga pamaagi ang pahayag sang testigo antes batunon nga lain ang nasambit nga probisyon sang Rome Statue.
Hiwaton ang hearing sa Nobyembre 30 kun sa diin ginalauman nga unahon nga tawgon ang lima ka prosecution witnesses.
May yara sila sang winter break sugod Disyembre 18.











