-- ADVERTISEMENT --
Isa na subong ka world record holder ang aktor nga si Sandro Muhlach matapos sini nga ginpatigayon ang pinakamataas nga commercial bungee jump sa Macau Tower.
Sa isa ka social media post sang Disyembre 11, 2025, ginpakigbahin sang 24-anyos nga artista ang video sang iya nga paglumpat halin sa 233 meters ukon 764 feet nga kataason.
Ginpahayag man ni Sandro ang iya nga pagpabugal bilang Pilipino antes nga naglumpat kag ginlab-ot sini ang ginabulubanta 200 km/h nga kadasigon sang iya nga free fall.
Matapos ang madinalag-on nga paglumpat, ginpakigbahin sang aktor nga batyag niya man sa gihapon ang tuman nga adrenaline rush kag opisyal niya nga narekord ang world record sa nasambit nga extreme feat.
