Ginpanginwala sang Armed Forces of the Philippines ang isa ka circulating post angut sa ginaalegar repainting sang BRP Sierra Madre, ang barko nga gin-beach sa Ayungin Shoal agud magserbe nga military post.
Ang post halin sa isa ka Facebook page nga ang mayor nga kaundan amo ang nahanungod sa depensa kag impormasyon militar.
Suno sa AFP, ang litrato nga ginpost sa post amo ang BRP Laguna (LD-501), kag indi ang BRP Sierra Madre nga may hull number nga LS-57.
Suno sa army, indi insakto ang kaundan sang post kag dapat nga tadlungon.
Ginapanindugan sang AFP nga ang indi insakto nga pagkilala sa mga pagkabutang sang militar ang makatuga sang kagumon kag pat-od gid nga sala nga impormasyon.
Liwat nga ginpahanumdom sang AFP ang publiko nga indi magpalapta sang impormasyon nga wala sang bastante nga basehan, ilabi na kon impormasyon ini parte sa militar kag depensa.
