Nagpanindugan ang Armed Forces of the Philippines (AFP) nga indi nila pag-isurrender ang bisan isa ka pulgada sang teritoryo sang Pilipinas kasunod sang pahayag ni Senador Rodante Marcoleta nga daw kaangay nga nagasuhestyon nga isungka ang Kalayaan Island Group (KIG) bangud sang tensyon sa China.
Suno kay AFP spokesperson for the West Philippines Sea Rear Admiral Roy Vincent Trinidad, ang mandato sang Armed Forces of the Philippines amo ang pag-amlig sang soberanya kag integridad sang pungsod.
kalakip ang teritoryo nga ginpromisa sang AFP nga amligan amo ang Kalayaan Island Group kag Bajo de Masinloc nga ginaangkon man sang iban nga pungsod.
Ginpahayag ni Rear Admiral Trinidad nga wala gid nagduha-duha ang AFP sa pagtuman sang sini nga mandato kag napamatud-an na ini sa kasaysayan.
Matandaan nga sang nagligad nga semana, ginhambalan ni Marcoleta ang Committee on Appointments nga dapat “i-give up” ang Kalayaan Island Group, apang iya ginklaro nga “taken out of context” ukon ginkuha sa proper context ang iya pahayag.
Ginbalibaran naman nanday Senate Majority Leader Miguel Zubiri kag Senate President Pro Tempore Ping Lacson ang ideya nga isungka ang amo nga teritoryo kag nagpanindugan nga maathag ang prinsipyo nga indi gid magsungka ang Pilipinas lakip na ang West Philippine Sea kag ang Kalayaan Island Group.
