Natalana nga maggamit ang Armed Forces of the Philippines sang mga kagamitan sang Estados Unidos sa mga lugar sang EDCA sa pagpatigayon sang mga operasyon sa pagbulig sa humanitarian kag kalamidad.
Ang anunsyo ginhimo sang AFP kasunod sang mando ni AFP Chief of Staff, Gen. Romeo Brawner Jr. nga himuon nga available ang mga pasilidad sang Amerika para magamit bilang multi-role facilities sa tion sang kalamidad.
Ginpahayag ni Armed Forces of the Philippines (AFP) Spokesperson, Col. Francel Margareth Padilla nga luyag ni Commander-in-Chief President Ferdinand R. Marcos Jr nga mangin gilayon ang pagdul-ong sang bulig sa mga apektado nga lugar.
Base sa datos, may yara sang tubtob siyam ka EDCA sites sa pungsod nga ginalauman nga mangin mapuslanon sa pagpatigayon sang search and rescue operations.
Makabulig man ini sa pag-repack sang mga relief goods nga dal-on sa mga apektado nga pumuluyo.
Madumduman, ginpahayag ni Defense Sec. Gilberto Teodoro nga nagakoordinar man ang AFP Chief of Staff sa iban pa nga mga kaalyado nga pungsod agud mabuligan ang mga apektado sang kalamidad sa pungsod.
