Pagatun-an sang Armed Forces of the Philippines (AFP) ang bulanan nga pension sang mga retired officers sa tunga sang mga report nga may mga retirado nga nagpanawagan sa militar nga bawion ang suporta kay Presidente Ferdinand Marcos Jr.
Sa isa ka press briefing,ginpamangkot ang spokesperson sang AFP nga si Col Francel Margareth Padilla kun posible nga mag-resign ang mga retired officers sa likod sang panawagan nga madulaan sang bulanan nga pension.
Ginpahayag man sang opisyal sang AFP nga ang mga pahayag nga naga-incite sang sedition kag pagpalapta sang fake news ang may yara sang legal consequences.
Samtang, ginpahayag ni Philippine Navy Rear Admiral Roy Vincent Trinidad nga ang pinakamataas nga ranggo nga retired military officer nga ila namonitor nga nagapalapta sang peke nga balita amo ang two-star general nga nagabaton sang bulanan nga pension nga P160,000.
Dugang pa niya, ginatun-an sang mga legal officers sang AFP ang responsibilidad sa tion nga magbaton sang pension gikan sa gobyerno.
Matandaan, nga una na nga gin-ako mismo ni AFP chief-of-staff Gen Romeo Brawner Jr nga nagpanawagan ang pila ka mga retired military officers nga bawion ang suporta para sa Presidente sa tunga sang nabuyagyag nga mga maanomaliya sa flood control projects, apang ginpamatukan ini sang hepe sang AFP rason nga wala ini ginpatuman.
