Luyag paguwaon nga terorista si Ako-Bicol Partylist Representative Zaldy Co sang Marcos administrasyon.
Sa isa ka bag-o nga video statement nga ginpaguwa ni Zaldy Co, ginpasalamatan sini ang pagbaton sang publiko sa iya mga nauna nga video exposes.
Liwat nga ginpahayag sang anay mamalidha nga indi na siya makapauli sa Pilipinas bangud sa mga pamahog sa iya kabuhi.
Ginbuyagyag man ni Co ang ginpahayag plano sang subong nga administrasyon nga ibuyagyag siya bilang terorista sa sulod kag batok sa pungsod.
Ang ini nga tikang ginasiling nga nagatuyo sa paglubong sa iya sang kamatuoran bisan diin ini magkadto.
Ginpabilin man sini nga importante nga mahibaluan sang publiko ang bug-os nga kamatuoran kadungan sang pagpasalamat sa publiko sa pagpamati.
Ginpanginwala man ni Co ang impormasyon nga ang gin-alegar P21-B nga nagkadto sa iya ang nagabaliskad sa nauna nga pagbuyagyag sang ICI kag ni Henry Alcantara.
Pahayag niya, wala siya sang may nabaton nga bisan anon ga kantidad.
Sa pagkamatuod suno sa iya, humalin tuig 2022 tubtub 2025 ang kabug-usan nga kwarta nga nag-agi sa iya agud ihatag kay President Marcos kag anay speaker Martin Romualdez gina-alegar P56-B.
Gin-athag sini nga separado ang nasambit nga kantidad sa P100-B nga insertion sang presidente sa 2025 budget.
Ginsambit man sang anay mamalidha ang P97-B flood control insertion nga ginbutang sa National Expenditure Program sang 2026 national budget.
Ginklaro sini nga wala siya nagpahilabot sa aktwal nga proseso sang pagdul-ong sang kwarta nga suno sa iya nag-agi lamang sa iya kag gilayon nga gindul-ong kay Romualdez.
