Ginkumpirmar mismo ni Lipa City Councilor Mikee Morada nga liwat naman nga nahulugan sa iya ginabusong sa ika-tatlo nga tion ang misis sini nga Alex Gonzaga.
Matandaan nga sadtong Nobyembre 2023, ginbalita ni Alex sa iya mga followers ang liwat nga pagka- miscarriage sa anak nila ni Mikee.
Suno diri nga Disyembre 2024 pa ini natabo.
Bangud sini, ginpromisa na sang mag-asawa nga pananglitan hatagan sila liwat sang baby magadoble na sila sa paghalong.
Pagsaysay ni Mikee nga sang nahibaluan nila nga liwat nagabusong si Alex, gilayon sila nga nagpacheck-up kag diri nahibaluan nga wala sang problema sa resulta.
Apang pag-abot sang ika-tatlo nga semana, ginsiling sang ila sini nga doctor nga wala sang baby sa taguangkan ni Alex kag liwat nga Blighted ovum.
Ang “blighted ovum” isa ka medical term nga nagatumod sa isa ka sahi sang miscarriage kung ang isa ka fertilized egg ang nag-develop sa sulod sang taguangkan apang wala naga-angkon sang embryonic development.
Buot silingon, wala sang embryo nga nahimo apisar nga may gestational sac.
Posible nga bangud ini sa genetic issues ukon hormonal imbalances sa lawas sang babaye.
Sa iban pa nga termino, kilala man ini bilang “anembryonic” ukon “no embryo pregnancy” kag masami nga nagaresulta sa pagkahulog sa baylo nga mangin delikado ang kabuhi sang isa ka iloy.
Matapos ang pagtest kay Alex, nahibaluan nga mahina pitik sang kurason sang baby sa taguangkan sini kung sa diin yara lamang sa 65.
Emosyunal man nga ginpakigbahin sang mag-asawa nga sang ulihi wala na sang heartbeat ang ila kuntani ika-tatlo nga baby.
