ROXAS CITY – Ginkasubo sang amay sang menor de edad nga suspek nga amu ang nagpatay sa public-school principal ang natabo nga krimen nga kahimuan sang iya bata.
Sa eksklusibo nga interview sang Bombo Radyo kay alyas “Nonoy”, amay sang biktima, iya ginsiling nga tuman ang kasakit sang iya buot bangud nasamad ang buwas damlag sang iya bata nga nagabakas maka-eskwela kag nakapa-enroll na sa high school kun sa diin nagpa-school boy pa ini sa Barangay Dayao nga iya ginatineran.
Suno diri, malapit duwa ka bulan na magkilalahay ang iya anak kag ang biktima nga si Mencedez kag ginhagad lang ini nga mag-inom-inom sa apartment nga ginapanag-iyahan sang biktima kaupod ang isa pa ka abyan.
Matandaan una na nga nagpauli si Aniero kun sa diin nabilin sa apartment ang suspek, biktima kag 9 ka tuig sini nga bata, apang sang naglaong na si Obarra nga magpauli bangud hanagob na kag ginsiling sini kay Mencedes nga basi ginapangita na siya sang iya ama kag amo sang natalupangdan sini nga naka-lock ang pertahan kag ginaalegar gintuyo nga gamiton ni Mencedez rason nga ginkompronta niya ini nga indi siya magpasugot.
Ginapahayag ginsakit siya sang principal kag una ini kuha sang gunting apang iya ini gin-agaw bangud sa kahadlok kag didto ginbuno tubtob sa napatay ang biktima.
Ginkakibot naman sang bata sang biktima ang kinagamo kag gilayon ini naghakos sa iya amay rason nga naigo man sa pagpangbuno sang suspek.
Nakita naman ni Obarra ang iyabi sa bulsa ni Mencedez rason nga nakaguha ini kag nagdiritso sa iya ginatineran nga boarding house.
Dugang pa ni alyas “Nonoy” nga gindepensahan lamang sang iya bata ag kaugalingon rason nga nahimo niya ini.
Wala man suno diri sang plano magpalagyo ang iya anak kag nagpasalamat pa ini sang ila ginsugat sa nasambit nga boarding house kag ginpakamaayo nga dal-on sa ila puluy-an sa Mambusao agud magpangayo sang bulig sa ila Barangay kapitan sa Balat-an kun ano ang maayo nga tikang nga ila himuon.
Ginpanginwala sini nga ginkuha sang iya bata ang wallet sang principal nga ginapahayag nadula bangud suno diri indi makawat kag criminal ang iya bata kag hugot ang iya pagpangayo sang pasaylo.
