-- ADVERTISEMENT --
Nagapanawagan ang AnakBayan Panay nga pataason ang minimum wage sa Western Visayas bangod man sa padayon nga pagsaka sang presyo sang gatong kag mga nagapanguna nga balaklon.
Sa interview sang Bombo Radyo kay Samantha Faye Herbolario, chairperson sang AnakBayan Panay, iya ginpahayag nga kinahanglan pataason ang sweldo sang mga mamumugon bangod indi na maka-igo para sa ila adlaw-adlaw nga mga galastuhan.
Suno kay Herbolario, nagapadayon ang pagmahal sang mga balaklon kag nagapabudlay ini sa mga mamumugon sa pag-budget sang ila kita.
Ginpahayag man sini nga dapat kanselahon ang excise tax kag VAT sa gatong, kag ginapanawagan ang pagbasura sang Oil Deregulation Law agud mapunggan ang pagsaka sang presyo sang petrolyo.
