Pilason ang isa ka anay seaman matapos nga ginpahayag ginbuno sang iya kainuman, sa Poblacion Ilawod, banwa sang Cuartero.
Ginkilala ang biktima kay Emmanuel Pimentel, 60-anyos, kag residente sang nasambit nga barangay.
Samtang ang ginatudlo nga nagpamuno amu si Nilfren Chiva, 34-anyos, nga tumandok sang Bingawan, Iloilo apang temporaryo nga naga-istar sa amu man nga lugar.
Sandig sa impormasyon nga nakuha sang Bombo Radyo sa Cuartero Municipal Police Station, nagaguwa sa ila inisyal nga imbestigasyon nga samtang magkaupod nga naga-inom sang makahulubog nga ilimnon ang duha, hinali nga nagbaisay ang mga ini, tubtob nga ginkuha ni Chiva ang iya bitbit nga kutsilyo kag ginbuno sa natuo nga dughan si Pimentel.
Natigayon nga mapadangat sa pinakamalapit nga ospital ang biktima, samtang gin-aresto naman si Chiva.
Ginalantaw nga posible bangud sa kahulugbon kag pagpangimon ang motibo sa insidente.
Nagapadayon ang imbestigasyon sang mga kapulisan.
