Anum na ang patay sa leptospirosis sa Capiz

Naglab-ot na sa anum ka tawo ang napatay bangud sa Leptospirosis sa Capiz halin Enero 4 tubtob Setyembre 5, 2026, sandig sa data sang Capiz Provincial Health Office.

Base sa Provincial Weekly Notifiable Diseases Case Bulletin para sa Morbidity Week 35, may 36 ka kaso sang Leptospirosis nga narekord sa probinsya subong nga tuig.

Sa amo nga numero, anum ang gin-report nga nagresulta sa kamatayon.

Samtang, may isa ka bag-o nga kaso sang Leptospirosis nga narekord sa amo nga semana.

Apisar nga nagnubo sang 10 percent ang kaso kun ipaanggid sa 40 ka kaso sang amo man nga tion sang 2025, padayon ang panawagan sang health authorities sa publiko nga maghalong, ilabi na sa mga lugar nga apektado sang baha.