Isa ka makatilingala apang makapasubo nga talan-awon ang ginpahayag sa tag-iya sang landlord nga si Jacques Nault sang ginbuksan niya ang isa sang iya gina-paupahan nga apartment sa Trois-Rivieres, Quebec.
Nakibot ini sang pagbukas sang iya apartment kaangay nangin isa ka “ice castle” pagkatapos nga natabunan ini sang madamol nga yelo.
Suno sa report, ang salog natabunan sang halos 30 centimeters nga yelo, samtang ang mga dingding, kisame, muwebles, kag bisan ang mga appliances nangin “abstract ice sculptures”.
Ang rason sini amo ang sala nga estratehiya sang tenant nga nagapuyo didto.
Bangod sang mataas nga balayran sa kuryente kag gas, nagdesisyon ang nagaarkila nga patyon sang bug-os ang heating system ng apartment antes siya maglakat sa pagbakasyon, sa paghunahuna nga makakinot siya sa mga balayran.
Apang, bangod sang grabe nga tigtulugnaw sa Quebec, ang temperatura sa sulod sang yunit nagnubo nga nagtuga sang paglupok sang mga tubo sang tubig.
Naakig si Nault kag ginpahalin nga tenant, bangod sa baylo nga makatipid, nagtuga ini sang linibo ka dolyar nga kahalitan.
Nagbilin naman sang isa ka importante nga leksyon para sa tanan nga nagapuyo sa matugnaw nga mga duog: indi gid pagpatyon ang thermostat sa tion sang tigtulugnaw; hinay-hinay lang para indi magyelo ang mga tubo kag malikawan ang amo sini nga sahi sang kalamidad.
