ROXAS CITY – Magadugang sang 4 ka panibag-o nga komitiba ang sangguniang panlalawigan sang probinsya sang Capiz.
Ini ang ginpahayag ni Mr. Zoe Herrera, SP Secretary sang Provincial Board sang mainterview sang Bombo Radyo.
Suno diri, nagkasugot ang executive department ni Governor Fredinil Castro kag katapo sang Sangguniang Panlalawigan nga maghimo sang dugang nga komitiba kalakip ang Committee on Young Entrepreneurs, Committee on Senior Entrepreneurs, Committee on Poverty and Disaster Preparedness kag Committee on Indigenous People kun sa diin pagapilian sa mga board members ang magadumala.
Dugang ni Herrera, nangin madinalag-on man ang pag-asignar sa tagsa ka komitiba sang mga SP nga ginpangunahan ni Vice-Governor Mitang Magbanua sang Hulyo 1 nga amu ang 1st day assumption of office sang mga na-eliher nga opisyales sang gobyerno.
Apisar may nangin duwa-duwa sa pila ka mga BM’s, ginbaton man nila ang gintugyan sa ila nga responsibilidad.
Ginsiling sang tiglikum nga mangin functional kag patas man ang responsibilidad sang tagsa ka komitiba.
