Patay ang lima katawo matapos mahulog sa pil-as ang police patrol vehicle sa Barangay Napangan, Misamis Occidental.
Ang mga biktima amo ang apat ka mga pulis kag isa ka empleyado sang Provincial Tourism Office.
Ang amo nga salakyan ang naka-assign sa Misamis Occidental 2nd Provincial Mobile Force Company (PMFC) nga may karga sang pulo ka mga indibidwal sa diin pito diri ang miyembro ng Philippine National Police kag tatlo ang empleyado sang turismo.
Base sa inisyal nga imbestigasyon, nagaserbe nga security escort ang grupo para sa mga organizer sang Binibining Pilipinas nga nagbisita sa Lake Duminagat.
Samtang ginabaybay nila ang padulhog nga bahin sang dalan sa Sitio Napangan, gin-alegar nga nadulaan sang kontrol ang driver rason nga nagdiretso ang salakyan sa pil-as.
Bangod sa impact, gupi ang patrol vehicle.
Nangin mabudlay ang rescue operations bangod sa matarik nga terrain kag pabag-o-bag-o nga kondisyon sang panahon sa lugar.
Sa bulig sang mga nagresponder nga pulis kag mga residente, gilayon nga gindala sa ospital ang lima pa ka sakay nga nakaluwas apang yara sa kritikal nga kondisyon.
Sa subong, padayon ang imbestigasyon sang mga kapulisan sa nasambit nga insidente
