Arestado, ang 39-anyos nga lalaki sa ginkasa nga drug buybust operation sa banwa sang Tapaz

Arestado, ang isa ka lalaki matapos makuhaan sang ginaalegar illegal nga droga sa ginpatigayon nga drug buybust operation sang mga kapulisan sa Barangay Taslan, Tapaz, Capiz.

Ginkilala ang nadakpan kay alyas “Bugrong” kag residente sang nasambit nga lugar.

Nahibaluan nga nakuha sa paghinakop sa akusado ang (2) tanan ka sachets sang ginaalegar nga shabu, P100 buybust money, P1,000 counterfeited money kag isa ka coin purse nga nagaduag itom.

Magapangatubang ang suspek sang kaso nga paglapas sa Republic Act 9165 ukon Comprehensive Dangerous Drugs Act of 2002.

Sa karon, nagapabilin ini sa paghinakop sang Tapaz PNP para sa nagakaigo nga disposisyon.