Generally peaceful ang assessment sang 3rd Infantry Division sang Philippine Army sa ginpatigayon nga 2025 National and Local Elections sa Western Visayas.
Sa interview sang Bombo Radyo kay Colonel Erwin Rommel Lamzon, Chief sang 3rd Infantry Division Public Affairs Office, nagpabutyag ini sang pagpasalamat sa dedikasyon kag effort sang mga militar sa pagpasiguro sang kalinong kag katawhay sa adlaw sang eleksyon.
Dugang pa sini, apisar nga may yara sang mga preparasyon nga ginpatigayon antes pa man ang adlaw sang eleksyon, may-ara sang mga indi mapunggan nga insidente kaangay sang natabo nga shooting incident sa Silay City kun sa diin nagresulta sa pagkapatay sang duha ka mga indibidwal kag pito naman ang nagkalapilasan.
Nahibaluan nga nagpadala man sang dugang nga mga military personnel agud nga mag-assister sa PNP sa ginapatigayon nga imbestigasyon may kaangtaan sa insidente nga natabo sa amu nga lugar.
Sa madumduman, wala naman suno sila sang may naobserbaran kaangay gapatigayon sang pila ka mga makaduluda nga mga aktibidades sa amu nga lugar.
Samtang, nagpalab-ot naman sang pagpanginbulahan si Lamzon sa mga nagdaog nga mga kandidato kasubong man sa mga napaslawan kag nagpanugyan man ini nga kun mahimo indi pagpaslawon ang paglaum sang mga pumuluyo nga nagsuporta kag nagbutang sa ila sa pwesto.
