Automated Counting Machine, ginbubuan sang tubig sang isa ka poll watcher sa Marawi City

MARAWI CITY – Nauntat ang botohay sa presinto sang Barangay West Marinaut, Sagonsongan, Marawi City matapos ginbubuan sang tubig sang isa ka poll watcher ang Automated Counting Machine (ACM) kaina alas 7:00 sang aga.

Suno sa technician sang Comelec nga nagabantay sa presinto, naguba sang tubig ang ACM gani temporaryo nga nauntat ang botohay.

Sang nagresponde ang Marawi City Police, wala na nila naabtan ang watcher.

Samtang, gin-islan man ang ACM makaligad ang pila ka minutos.