ROXAS CITY – Napangitaan na sang pondo ang ayuda nga igapanghatag para sa mga tricycle kag jeepney operators kag drivers sa bug-os nga probinsya sang Capiz.
Ini ang ginkumpirmar ni Governor Esteban Evan Contreras, sang mainterview sang Bombo Radyo.
Suno diri, sang nagligad nga semana, ginpapangitaan na sini sang pondo nagikan sa gobyerno probinsyal, agud bisan papaano makahatag sang ayuda sa nasambit nga sektor tuga sang padayon nga pagtinaas sang presyo sang produktong petrolyo.
Ini ang kabahin lamang sa pagpakita sang padayon nga pagkabalaka sang gobernador sa mga pumuluyo.
Nahibaluan nga may yara sang kabug-osan nga 6,750 ka mga kwalipikado nga tricycle kag jeepney drivers and operators sa bug-os nga probinsya, nga ginhinyuan sang P6,750,000 nga pondo.
Wala paman napat-od kun san-o iga-release ang amu nga ayuda, apang sa karon sigurado na ang nasambit nga subsidiya para sa nasambit nga sektor.
Ginpasiguro sang gobernador nga mahatagan ang kutob kwalipikado nga wala sang pamulitika, bisan ano man ang duag nga ginasuportahan.
